killercat

ترى؟؟ كيف يكون شعور الفرد منا حين يعود الى المنزل ويجد التلفاز مفتوحا وكيف نشعر حين ينطفئ لهب الشمعة دون هبة هواء واحدة حين يشعر بانفاس ثقيلة بالقرب منه وهو وحده فى المنزل ......... عن ذلك الرعب الهامس اتكلم.
 
الرئيسيةس .و .جالتسجيلدخول

شاطر | 
 

 كواليس مباراة النادي الأهلى و مركز شباب كفر اللمون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nimoo
Admin
avatar

عدد الرسائل : 72
العمر : 29
تاريخ التسجيل : 18/08/2008

مُساهمةموضوع: كواليس مباراة النادي الأهلى و مركز شباب كفر اللمون   الخميس أكتوبر 22, 2009 9:30 pm

كواليس القمه

( كواليس مباراة النادي الأهلى و مركز شباب كفر اللمون )

الزمان : في يوم مباراة كرة القدم المرتقبة بين ( النادي الأهلي ) و ( مركز شباب اللمون) ضمن فعاليات الدوري المصري لكرة القدم

المكان : أستاد مركز شباب كفر اللمون الأوليمبي , و بالتحديد في غرفة خلع الملابس الملحقة بالأستاد ..التي يستريح فيها فريق اللمون قبل نصف ساعة من نزوله لأرض الملعب

-------

مشهد 1 Sad( كابتن سيد السالك )) مدرب فريق اللمون يقف في منتصف الغرفة و يجلس بقية أفراد فريقه علي دكك خشبية ملتفين من حوله في شكل نصف دائرة

سيد السالك : بصوا يا وحوش أحنا قدامنا موقعة حربية النهارده .. فريق الأهلي فريق كبير و تقيل ... عايز أشوف النهارده في قلب الملعب أسود .. عايز أشوف في قلب الملعب أيه ؟؟ ... عايز أشوف أيه ؟؟ ... تمر فترة صمت .. و لاعبي الفريق كلَ سرحان في حاله ... ثم يتنبهون فجأة علي صوت سيد السالك و هو يكرر سؤاله " عايز أشوف أيه ؟؟ " فيبادروا بالرد بدون أهتمام حقيقي

" أسود يا كوتش"-


سيد السالك : جميل يا أولاد و دلوقتي هانحط الخطة بالصلاة عالنبي ... الواد دنجل و الواد حسين مجانص ها يمسكوا الواد الأوزي بتاعهم ده اللي أسمه شيكو ... خلي بالكوا يا أولاد من اللعيب ده لحسن ده بيقط قطات جامدة و هو بيجري .. و الواد كريم دبوره ها يمسك الجنب اليمين و يقابل الونج بتاعهم ده اللي أسمه فلافيوزي ... و خلي بالك منه لحسن ده بييجي علي التمنتاشر و يتلكك علي بيلنات .. أوعي تكعبله لو عدا منك سيبه للواد كريم كازلاك ها يصدرله الطرشه و يوقفه

يرفع لاعب من اللاعبين يده و يسأل : و أنا يا كوتش مش هانزل الماتش و لا أيه .. ؟؟

السالك : لا يا بعرور .. منتاش نازل

بعرور : ليه يا كوتش ... دنت منتهضني بقي ... بقالي ماتشين ما بشمش ريحة نجيلة الملعب

السالك : آه منتهضك بقي .. و أعلى ما في خيلك أركبه ... علشان تبقي تروح بسلامتك و تشتري عربيه من معرض سيارات تاني ... أمال لو ما نفعتوش أنتوا معرض السيارات بتاعي ... مين اللي ها ينفعه ؟؟

بعرور : السماح يا كوتش ... ها أبقي أجيب البيتش باجي اللي الوله أبني عمال يزن عليه من عندك ... بس أبوس رجلك كله إلا الماتش ده ... دولة السماسرة ها يبقوا زي الرز

السالك : طيب ها أنزلك في الهاف تايم التاني .... المهم دلوقتي يا رجاله ... خلوا بالكوا من الحفرة اللي جنب الراية الشمالو التانية اللي جنب الجون ..و عامود النور اللي جنب الراية خلوا بالكوا منه ده لسه مكرهب أتنين لاعيبة من الناشئين ..و مش عايز حد يجيله رباط صليبي تاني .. كفايه علي بازوكا , و تامر صاروخ

الفريق كله يجيب : حاضر يا كوتش

السالك : و عايز منكم حاجة كمان ... عايزكم تكونوا حنينين علي النجيلة علشان رئيس النادي موصيني أحافظ علي أرض الملعب .. متنسوش أن فرح أبن أخته ها يعمله في الأستاد الخميس الجاي .. معايا يا أولاد ... يعني بلاش تاكلنج و زحلقة و الحركات دي ... أرضية الملعب مش ناقصه .....عاملوا النجيلة بحنية الله يكرمكوا ....مش ناقص وجع دماغ

الفريق : حاضر يا كوتش

السالك : تمام يا رجالة ... و علي فكرة لو عرفتوا تخلوهم يجيبوا جون في الأول علشان يهدوا كده و يتطمنوا و يعدوا الليلة الكحلي دي علي خير ..مش عايزين نقلقهم عالنتيجة ... هما يجيبوا جون .. و يناموا عليه .. و أحنا نقضيها لعب تعاوني كده هات و خد , و خد و هات لحاد ما الحكم يصفر

واحد من الفريق : لكن يا كابتن ماقلتلناش مين اللي ها يمسك أبو تريكة ؟؟

السالك : أنت بتقول أيه .. ما يقدر عالقدرة إلا ربنا يا أبني ... أنا موصي الحجة الوالدة تدعي عليه .. و دي ست مبروكة و دعوتها مستجابة .. .. المهم دلوقتي .. خلي بالكم معايا ... 1- صفر عسل ... 2- صفر حلوة .. 3- صفر رضا .. أكتر من كده تدخل في اللي مش لذيذ .. ماشي يا وحوش ؟؟

الفريق : ما تقلقش يا كوتش

السالك : علي بركة الله
الرجوع الى أعلى الصفحة اذهب الى الأسفل
http://killercat.ahlamuntada.com/
 
كواليس مباراة النادي الأهلى و مركز شباب كفر اللمون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
killercat :: الفئة الأولى :: قصص حقيقية مرعبةوسحر ومعتقدات واساطير :: منتدى البنات و الجمال :: منتدى صور تجنن للنجوم :: منتدى اضحك كركر اوعى تفكر-
انتقل الى: